ໄຕຣສິກຂາ
ໄຕຣສິກຂາ ແປວ່າ: ສິກຂາ 3 ໝາຍເຖິງ ຂໍ້ປະຕິບັດທີ່ຕ້ອງສຶກສາ 3 ຢ່າງ ຄື:
1. ສິນສິກຂາ ຫລື ຂະບວນການລະບຽບປະຕິບັດ (ວິນັຍ) ເພື່ອໃຫ້ເກີດວາຈາຊອບ, ການກະທຳຊອບ ແລະ ການປະກອບອາຊີບຊອບ ເປັນແນວທາງ ແລະ ກອບທີ່ກຳກັບການກະທຳ ຫລື ການປະກອບກິດຈະກຳຕ່າງໆນັ້ນເອງ.
2. ສະມາທິສິກຂາ ຫລື ຂະບວນການຝຶກອົບຮົມຈິດສຳນຶກ ເພື່ອໃຫ້ເກີດຄວາມພຽນຊອບ ການລະນຶກຊອບ ແລະ ມີຈິດສຳນຶກທີ່ຊອບ ເປັນຂະບວນການເພື່ອໃຫ້ຈິດມີການພັດທະນາຄວາມສຳນຶກເພື່ອຄວາມສົມດຸນທັງຈິດ ແລະ ກາຍ ເປັນຂະບວນການເກື້ອໜຸນໃຫ້ສິ່ງທີ່ຮັບເຂົ້າມາໃນຊີວິດດຳເນີນໄປດ້ວຍປະສິດທິພາບສູງສຸດ.
3. ປັນຍາສິກຂາຫລື ຂະບວນການທາງຄວາມຮູ້ ເປັນວິທີການອົບຮົມສຶກສາເພື່ອໃຫ້ເກີດວິຊາຄວາມຮູ້ ຄວາມເຂົ້າໃຈອັນຖືກຕ້ອງ ແລະ ສົມບູນເຖິງທີ່ສຸດ ໃນສິ່ງທັງຫລາຍທັງປວງຕາມທີ່ເປັນຈິງ ປັນຍາ ຊຶ່ງຈະຍັງຜົນໃຫ້ເກີດມີທັດສະນະ ຄວາມເຊື່ອ ຄ່ານິຍົມທີ່ຖືກຕ້ອງ.
ຂະບວນການ ໄຕຣສິກຂາ ມີອົງຄ໌ປະກອບຂອງມັກຄ໌ 8 ປະການຄື:
1. ສິນ
- ສັມມາວາຈາ
- ສັມມາກັມມັນຕະ
- ສັມມາອາຊີວະ
- ສັມມາວາຍາມະ
2. ສະມາທິ
- ສັມມາສະຕິ
- ສັມມາສະມາທິ
3. ປັນຍາ
- ສັມມາທິດຖິ
- ສັມມາສັງກັບປະ
